Претседателот на СДСМ, Зоран Заев и заменик претседателката Радмила Шекеринска остварија средба со амбасадорот на Кралството Норвешка во Република Македонија, Нилс Рагнар Камсваг.
На средбата се разговараше за односите помеѓу Кралството Норвешка и Република Македонија, за актуелните состојби како и за политичка ситуација во земјава.
Амбасадорот Рагнар Камсваг истакна дека Норвешка е долгогодишен стратешки пријател на Македонија. Тој изрази загриженост за состојбите во Македонија и за тензиите што влијаат врз меѓуетничките односи.
Претседателот Заев укажа на сериозноста на политичките пресметки меѓу коалиционите партнери од власта. Политиките на поделби и национализам што доминираа во периодот пред и за време на изборите, постизборно резултираат со загрозување на меѓуетничките односи во земјата, што е крајно загрижувачки.
